ئیرۆ دووشهمبی/18-01-2010 ل دهمژمێر 16:00 ل گۆر دهما هۆلهندا شاندهکا کۆمیتا بهنهلووکسا یهکتیا نشتیمانیا کوردستانێ،کو پێکهاتبوون ژ بهرپرسێ کۆمیتێ عبدلڵه سۆر،و بهرپرسێ پهیوهندیان تهموو شنگالی،و کارگێرێن کۆمیتێ سهردار فهتاح،و سهید عهلی،سهرهدانا لیژنا ناڤجۆیا هۆلهندا یا پارتیا دهمۆکراتا کوردستانێ کرن، و ب گهرمی ژ ئالێن بهرپرسێ ناوچێ عومهر زاویتی،و فاخر بهرواری بهرپرسێ رێکخستنێ،و سهلاح باوانی بهرپرسێ پهیوهندیان،و ئازاد مهجید، و سهلاح عهلی، ئهندامێن ناوچێ،و شووان غهفووری کادرێ پارتیا مه ڤه هاتنه پێشوازیکرن.
ل دهستپێکێ ب ناڤێ خۆ و تهڤایا کارگێر و ئهندام و کادرێن ناوچێ ههڤال عومهر زاویتی خێرهاتنهکا گهرم ل شاندا کۆمیتێ کر و دلخۆشیا خۆ بۆ ڤێ سهرهدانێ ئینا زمان.پاشان ههڤاڵ عبدڵڵه سۆر ب ناڤێ خۆ و شاندا دگهل سوپاسیا لیژنا ناوچا هۆلهندا کرن.
د پشترا ب ههڤرا جڤینهک ل دارخست،و دهربارهی رهوشا کوردستانێ ب گشتی، و ب تایبهتی ههلبژارتنان،کو بریاره ل 07-03-2010 ل عێراقێ و کوردستانێ و دهرڤهیی ولاتی بێنه ئهنجامدان،و چهند خالهکێن دی یێن وهکی پیرۆزکرنا جهژنا نهورۆزێ کو دێ ئهوژی ل باژێرێ دهنهاخ هێته برێڤهبرن،و زێدهتر کارکرن ب ههڤرا دا کو بشێن د گشت واران دا خزمهتا رێکخستنێن خوه و ب تایبهتی یا رهڤهندا کورد ل وهلاتێ هۆلهندا بکهن.ئێخستنه بهر گهنگهشه و دانوستاندنان،و گۆت دڤێت گهلێ کورد ب گیانهکێ کوردپهروهرانه خۆ بۆ ڤان ههلبژارتنان ئاماده بکهت و بهشداریێ د دهنگدانێ دا بکهت دابشێن ئهزموونا مه یا سهرکهفتی ل باشوورێ کوردستانێ ژ تهڤایا دۆژمن و داگێرکهران بپارێزین،و دهستکهفتیێن خوه زێدهتر لێبکهین.و ژ ئالیهکی دیڤه گۆت دڤێت د تهڤ واران دا گهلێ کورد رێزێن خۆ بکهته ئێک و ئاماژه ب ئارامی و ئاشتیا بهرقرار بووی کو ب تێکۆشین و خهبات و خوێنا شههید و جانگۆریێن رێکا ئازادیا کوردستانێ ب سایا پارتیا دهمۆکراتا کوردستانێ و یهکتیا نشتیمانیا کوردستانێ ل وهلاتێ مه پێکهاتیه کرن،و ل داویێ بریارگرتن کو ل سهر ئاستێن ناوچێ و کۆمیتێ درێژیێ بدهنه کور و کۆمبوونێن خۆ.
هێژای گۆتنێ یه پشتی دوو دهمژمێران کۆمبوون ب ئاوایهکی سهرکهفتی ب داوای هات،و جارهکادی شاندا کۆمیتێ ژ ئالیێ ناوچا هۆلهندا ڤه ب گهرمی و رێزگرتن ڤه هاتنه ڤرێکرن.
