ههر ل دهستپێکا ڤێ سالێ پشتی دهولهت و حکومهتا تورک،نهچاربۆین و زانی نکارن تهنێ برێکێن لهشکهری بزاڤا ئازادیخوازا گهلێ کورد ل باکورێ کوردستانێ ژ ناڤ ببهن،و سهرۆکاتی و حکومهتا باشوورێ کوردستانێ و ئهمریکا و ئهورۆپا ژی دناڤدا تهکهز ل رێکا ئاشتیێ دکر و.بهرێ دهولهتا تورک دا رێکێن ئاشتیخوازانه،و ژێرا دا خوهیاکرن کو دڤێت د چارچۆڤێ دیالۆک و گۆتۆبێژان، پرسگرێکا کورد کو پرسگرێکا ههمۆ ترکیێ و رۆژههلاتا ناڤین و مرۆڤاهیێ یه بێته چارهسهرکرن،و حکومهتا ( ئاکپارتی ) ب ڤهکرنا کهنالێ ( تهرهته ) شهشێ دهستپ ڤێ پرۆسهسێ کر.
و ژ بهرڤێ چهندێ سهرۆکێ ( پ.ک.ک. ) عبدولڵه ئوجهڵان داخواز ژ ( کهجهکێ ) کر داکو ئهڤێ فرسهتێ ژ دهست نهدهن،و خوه ژ ئالۆزی و شهرێ چهکداری دۆربێخن.سهرهرایی ب دههان ئۆپهراسیۆنێن لهشکهری بۆ سهر شهرڤانێن ( پ.ک.ک. ) و گرتنا ب سهدان ئهندامێن ( دهتهپێ ) لێ ئهڤێ پێڤاژۆیێ ژ ئالیێ سهرکردایهتیا بزاڤائازادیخوازیا کورد ڤه درێژی پێ هاتهدان،و بگرنگی کار ژ بۆ سهرخستنا وێ دکر، و گرانیا خوه ئێخسته سهر تێکۆشینا رهواو دهموکراتیک و دیپلوماسی،بهێزکرن. و حهتا گههشتینه وێ چهندێ کو دێ ئهڤ پرۆسهسه سهرگریت،و دێ ( دهتهپه ) وهک ئالتهرناتیف هێته پهژراندن.
لێ ب دیتنا من ههر ل دهستپێکێ دیاربۆ کو حکومهتا ( ئاکپارتێ ) وهک تهکتیک دخوازیت ب گهلهک رێکان ههولێن ژ ناڤبرنا بزاڤا ئازادیخوازیا گهلێ کورد د دهت.و ل وێ چارهسهریا ئاشتیخوازانه ناگهرهیت ئهوا سهرۆکاتی و حکومهتا باشوورێ کوردستانێ و ئهمهریکا و ئهورۆپا بهرێ وان دایێ، و بهرۆڤاژی ب رهخ لهشکهران ڤه گاڤ د وارێن جڤاکی چاندی هونهری و ئابۆری ژی دا تاڤێتن،داکو گهلێ کورد ب وان ریفۆرمێن خوهیێن سهخته ب خاپینن،و ژ ههڤ بقهتینن و پارچه پارچه بکهن.و نهکو پرسگرێکا کورد چارهسهربکهن،چونکه د دهستوور و یاسایێن تورکیا دا چو گۆرانکاریێن یاسایی،پێک نهئانین،ژ بهرهندێ ههر ل دهستپێکێ ئهز بخۆ نهیێ گهشبین بۆم ب ڤهکرنا کورد یان یا دهموکراتیک،و من نهدخوهست چو ل سهر بنڤێسم،لێ گهلهک رۆشهنبیر،و سیاسهتڤانێن کورد.د گهشبین بۆن و پێنوسێ خۆ بۆ پهسنداینا ( ئاکپارتێ ) و سهرۆکێ وێ ئهردۆغانی بکارتینا.لێ راستی بهرۆڤاژیا وێ بۆ.
چونکه کهسێن بهشداری بهرنامهیێن کهنالێ ( تهرهته ) شهشێ و ( ئاکپارتێ ) د بۆن زمانێ کوردی بۆوان یێ ئازاد بۆ و د شیان ل ژێر باندۆرا وان خوه بیننه زمان،لێ بهرۆڤاژیا وان ههگهر سهرۆک و ئهندام پارلهمانتهرهک یان ئهندام و لایهنگرهکێ ( دهتهپێ ) ب کوردی داخوازا پهرداغهکی ئاڤێ ژی کربا،بۆ وان یا قهدهغهبۆ و ل دادگههان ب دههان دۆز ل ههمبهری پارلهمانتهر و ئهندامێن ( دهتهپێ ) کو ب دهنگێ گهلێ کورد هاتبۆن ههلبژارتن،و نوێنهریا وان دکر هاتنه ڤهکرن.لهوما، ب دیتنا من ئارامی و ئاشتی و بێدهنگیا ههیی و درێژی پێدانا پرۆسهسێ ب سایا بزاڤا ئازادیخوازیا باکورێ کوردستانێ و ( دهتهپێ ) بۆیه. و نمۆنا وێ ژی ل بهرچاڤانه.و بۆ رایا گشتی یا جیهان و ترکیێ و کوردستانێ ژی، ب ڤرێکرنا گۆروپێن ئاشتیێ ژ ( قهندیڵ و مهخمورێ ) بۆ تورکیا. و بۆ حکومهت و دهولهتا تورک دا دیارکرن ئهگهر هۆن بهحسێ چارهسهریێ بکهن ئهڤه مه د پراکتیکێ دا گاڤ بۆ وێ یهکێ ئاڤێتن، و ئهگهر هۆن ژی راست دبێژن هندهک گاڤێن یاسای باڤێژن دا ب یهکجاری چهک بێدهنگ ببن ئهگهر نه ئهڤادی خاپاندنه نهک چارهسهری.
ژ ئالیێ دیڤه دادگهها دهستوورێ بنگههین یا ترکیێ ژ نشکان ڤه گرتنا ( دهتهپی ) ئینا رۆژهڤا خوه،و دڤێت ئهم گرتنا پارتیا جڤاکا دهموکراتیک ( دهتهپێ ) د رۆژا-11-12-2009 و دادگههکرنا وێ ژ ئالیێ دادگهها دهستوورێ بنگههین یا ترکیێ ڤه گرێنهدین،کو ب ئاوایهکێ فهرمی و ب یهک دهنگی ههر ( 11 ) دادوهران دهنگ بۆ گرتنا ( دهتهپێ ) دا.لێ ب باوهریا من ئهڤێ پرۆسهسا هه ئهڤه زێدهی دوو سالانه دهستپێکری،و حهتا رۆژا گرتنا وێ چهندین فشارێن سیاسی و یاسایی ئێخستبۆنه سهر سهرۆک و ئهندام پارلهمانتار و شارهدار و ئهندامێن وێ،و ههرچی رۆژا پاشتر بۆ،گڤاشتن و قهدهغهکرنا وان کهفتنه بهر دۆزێن دادوهرێن گشتی و و ههمۆ دادگههێن ل ترکیێ و باکورێ کوردستانێ مژۆلی دادگههکرنا ڤان ئهندامان بۆن.و، رێکێن یاسای ل بهر ( دهتهپێ ) هاتبۆنه گرتن.و کهفتبۆنه ژێر گهف و گۆرێن مهزنێن دادگهه و لهشکهران. و ژ ئالیێ دیڤه ژی کهفتبۆن ژێر، فشارێن مهزنێن پارتێن سیاسی یێن وهکی ( مهههپا ) نهژادپهرست،و ( جهههپا ) کهمالیستپهرست.و ئێدی ههمۆ رێک لێ هاتبۆنه تهنکرن.و رهوشا کو د ههمۆ واراندا ( دهتهپه ) کهفتیه تێدا.گههشتبۆ وێ ئاستێ کو شارهدارێ باژێرێ ئامهدێ.عوسمان بایدهمر د گوت ئهگهر ئهز ( 100 ) سالان ژی د زندانێن ترکیێ دا بمینم، ههر تهمهنێ من تێرا ناکهت و دێ ( 200 ) سالان قهردارێن دادگههێن ترکیێ بم،و ئهڤ چهندا هه بۆ ههمۆ ئهندامێن دیار دناڤ رێزێن ( دهتهپێ ) دا دهرباز د بۆ.بۆ یه گرتنا ( دهتهپێ ) ئهگهر د وارهکی دا زیانێ بگههینته گهلێ کورد.
لێ دێ دگهلهک واران دا و زێدهتر زیان گههنه،دهولهت و حکومهتا ترک.دێ جارهکادی نه ئارامی خۆ ب سهر ههمۆ ترکیێ دا بهردهت.و ههر رۆدانهکا نهیێنی ژی دکهڤیته سهرملێن حکومهتا ( ئاکپارتێ ) و د وارێن دیپلوماسی دا ژی دێ زیان گههنه وان.و بۆ وهلاتێن رۆژئاڤا و دهموکرات و مافێ مرۆڤان تێدا پاراستی دیار دبیت کو ل ترکیێ دهموکراسی نینه،و ئهگهر هبیت ژی ژ ئالیێ لهشکهر و سیستهما کهمالیزمپهرستیێ ڤه تێته سێدارهدان.و وهلاتێ دهموکراسی تێدا نهبیت مافێ مۆرڤان ژی تێدا نینه.
ههلبهت دهما ئهم ڤێ دبێژین ئهو ناهێته وێ رامانێ کو ئالیێ کورد و ب تایبهتی پارتیا کارکهرێن کوردستانێ ( پ.ک.ک. ) و کۆما جڤاکێن کوردستانێ (کهجهکێ) و پارتیا جڤاکا دهموکراتیک ( دهتهپێ ) کێماسیێن خوه نینن.ب نێرینا من دڤێت پشتی گرتنا ( دهتهپێ ) پارتیا کارکهرێن کوردستانێ ( پ.ک.ک. ) و سهرۆکاتیا پارتیا جڤاکا دهموکراتیک (دهتهپه) بێنه رهخنه کرن.چونکه ئهوان ب سهرێ خوه، ل باکورێ کوردستانێ و ترکیێ خوه دکره ئالتهرناتیف و نوێنهرێن ههمۆ کوردان.و ئهڤ نێرینا وان یا شاش بۆ،و ل شونا وێ دڤیا بۆ ههولدابا ئاشتیا، نافخوهییا کورد د چارچوڤێ یاسای دا پێک ئینابا و زهمینه ژ بۆ بهرهیهکی کوردستانی د وارێ یاسای دا چێکربا و گشت پارت و ئالی و رێکخستن و سازی ل ههڤ جڤاندبان،و حهتا پهیوهندی ب هندهک ژ وان ئهندام پارلهمانتهرێن کوردێن د ناڤ ( ئاکپارتێ )دا کربا و بۆ لایێ خۆ ئینابان و بهشدار کربان د پرۆسهسێ دا،و بیر و رایێن وان ژی ب گرنگی وهرگرتبان،و ئهڤ چهندا هه دا گهلهک گرنگبیت ژ بۆ ئیرۆ، و بههڤرا ب بۆنا خۆدانێن گوتارهکا سیاسی و یاسای، و بهرپرساتیا دیرۆکی ل سهرملێن وان ب تهنێ ژی نهدما و داکهڤیته سهرملێن تهڤایا گهلێ کورد و دا نوێنهریا باکورێ کوردستانێ یا راستهقینه ژی ل باکورێ کوردستانێ و ترکیێ دیاربیت.
لێ ئهز باوهرم ئهڤ شاشیه دووباره نابن و دێ گرتنا ( دهتهپێ ) بۆ بزاڤا ئازادیخوازیا گهلێ کورد ل باکورێ کوردستانێ بیته ئهزمۆنهکا مهزن و دێ دهرسان ژ وێ یهکێ وهرگرن.و ئومێدهوارم کو کێماسیێن ههی ل بهرچاڤان را دهرباز بکهن،و چارهسهر کهن،و نێرینا ههمۆ کوردان و دیموکراتیخوازان بگرنگی وهربگرن.و دۆزا کوردان ژ جاران زێدهتر ب پێش بێخن و جهێ خوه دناڤ چالاکی و تێکۆشینا، پارتیا ئاشتی و دهموکراسیێ دا بگرن.و ببنه هێزهکا مهزن و ئالتهرناتیف. و دێ پاشی ب ڤی ئاوایی بنه بهرسڤا ههمۆ پرسگرێکان.
