کومبونه‌کا به‌رفره‌ بۆ رێکخستنێن ده‌ڤه‌را برابانت ل ژێریا هوله‌ندا

19:32:59, 26-11-2009

ل رۆژا ئێک شه‌مبی رێکه‌فتی 22 مه‌ها نوڤێمبه‌رێ 2009 شانده‌کێ ناوچا هوله‌ندا کو پێک هاتبو ژهه‌ڤالان عه‌مه‌ر زاویته‌ی به‌رپرسێ ناوچێ و فاخر به‌رواری به‌رپرسێ رێکخستنێ و ئیدریس به‌ربهاری به‌رپرسێ راگه‌هاندنێ سه‌ره‌دانا باژێرکێ فوخت ل نێزیکی ده‌نبوش کرن و ب گه‌رمی ژلایێ کادر و ئه‌ندامێن پارتیامه‌ ل ده‌ڤه‌رێ ‌هاتنه‌ پێشوازی کرن .

دڤێ کومبونێ دا یاکو تایبه‌ت بۆ ب ئه‌ندامێن پارتی ل پارێزگه‌ها برابانت ،بدرێژی شاندێ ناوچێ و به‌رهه‌ڤبووی ل سه‌ر ره‌وشا رێكخستنێ ل ده‌ڤه‌رێ راوه‌ستان و بریارێن پێتڤی هاتنه‌دان سه‌باره‌ت پێش خستن و باشترکرنا ره‌وشا رێکخستنێ ل ده‌ڤه‌رێ زێده‌باری هه‌یکه‌لێ نوی یێ رێکخستنێ هاته‌دانان ب هه‌لبژارتنێن ڤه‌کری و دیموکراسیانه‌ و پشتی ده‌ستا نوی هاتیه‌هه‌لبژارتن ژلایێ ته‌ڤایا به‌شدارانڤه‌ پیروزباهی لێ هاته‌کرن و ب ناڤێ ناوچێ و ته‌ڤایا رێکخستنێن پارت ل سنورێ هوله‌ندا داخازا سه‌رکه‌فتنێ بۆ خاستن دکار و خه‌باتێن وان دا.

هه‌روه‌سا دلایه‌کێ کومبونێ دا هه‌ڤالێن ناوچێ ب درێژی ل سه‌ر ره‌وشا کوردستانێ مه‌سه‌لێن یاسا نوی یا هه‌لبژارتنا و چه‌واتیا خۆ به‌رهه‌ڤکرن د ڤێ پروسێسێ دا هاتنه‌ ئاخافتن ب ره‌نگه‌کێ کو بکارین ده‌ستکه‌فتێن ب ده‌ستڤه‌هاتین بپارێزین و روله‌کێ کاریگه‌رتر د حکمه‌تا عیراقێ یا داهاتی دا بله‌یزین.

هه‌ژی یه‌ بێژین شاندێ ناوچێ ل دیماهیا ڤێ سه‌ره‌دانا پارتایه‌تی ب گه‌رمی ژلایێ هه‌ڤالێن رێکخستنێن ده‌ڤه‌رێ ڤه‌ هاتنه‌ ب رێخستن و خاتر خاستن لێ هاته‌کرن.

166 جار خوێندراوه‌ته‌وه‌